كنت بحضر زفاف في اسكندرية فأخترت جرين بلازا , الفندق في مركز المدينة قريب من كل الخدمات بالعكس هو جوه شوبينج سنتر فكل الخدمات تقريبا متوفرة من مطاعم و محلات و صيدلية و كافهيات حتي بره الشوبينج سنتر فيه محلات كتير في سموحة .. العاملين في الفندق خصوصا هايدي و زميلتها متعاونين جدا و دايما مبتسمين و عملوا early check in .. الغرفة cozy مريحة و التكيف قوي و الحمام جديد و نظيف , السراير و المخدات كمان مريحين .. التلفزيون صغير للأسف يعيب الغرفة انها مفهاش slippers او كاتل القهوة و الشماعات لتعليق الملابس كانوا بس اتنين و لما طلبت جابوا اتنين كمان !! .. طلبت تغير مناشف للغرفة لأني القديم اتسخت قالوا ليا لازم بكره لأنه مفيش و ده شئ غريب .. فطار الفندق ضعيف جدا جدا منصحش تحجز الفندق بالفطار و حاول تفتطر بره الفندق و كمان لما تطلب قهوة في الفطار بيكون بمقابل !!!
مفيش laundry في الفندق لكنهم بيتعاملوا مع فندق الهيلتون بس مممكن تتصل بأي مغسلة قريبة من الفندق و بتيجي الفندق بأسعار مناسبة
الفندق مفهوش خدمات كتير لكنه مناسب لأني حد بيدور علي فندق في اي زيارة سريعة للأسكندرية و عايز مكان مناسب للراحة و الهدوء .. انا بنصح بالأقامة فيه و اتمني يزودوا الخدمات في الفندق المرة القادمةالمزيد
10
18
7
3
2
