Titanic Resort & Aqua Park



نبذة
أهلاً وسهلاً في Titanic Resort & Aqua Park! ستستريح في الغردقة كما لو كنت في منزلك، حيث يقدم الفندق العديد من سبل الراحة التي تمنحك إقامة مميزة.
يعتبر Primasol Titanic Resort & Aquapark Hotel فندق مناسب للأسر حيث يوفر في الغرف تليفزيون بشاشة مسطحة وتكييف هواء وميني بار كما يُمكنك أيضًا أن تبقى مُتصلاً بالإنترنت أثناء إقامتك حيث يُتاح إنترنت للنزلاء.
تتميز الغرف في فندق بمكتب استقبال يعمل طوال اليوم وخدمات الاستقبال والإرشاد ومكان لتخزين الأمتعة. كما يمكن للنزلاء الاستمتاع بحمام سباحة والإفطار، الذي يوجد به الغردقة. للنزلاء الذين يستخدمون سيارة، تتوفر موقف مجاني للسيارات.
يمكن للمسافرون الذين يريدون الاستمتاع بمذاق التوجه إلى Felucca seafood restaurant. بخلاف ذلك، يمكنك التوجه إلى أطعمة بحرية مثل Nasaya Restaurant & Lounge أو Felucca seafood restaurant أو Infinity Beach Bar.
إذا وددت اكتشاف، توجه إلى Sand City، والتي تقع على مسافة قريبة سيرًا من Primasol Titanic Resort & Aquapark Hotel.
Titanic Resort & Aqua Park يجعل أفضل ما في الغردقة في متناول يدك، حيث يمنحك إقامة هادئة وممتعة.
المكان
التعليقات
- 4,216
- 571
- 218
- 101
- 132
- تصفية
- العربية

الغردقة والاكل و الخدمات متكاملة والفندق فى منتهى الجمال والشياكه و الاكل جميل و بصفه عامه مناسب للعائلات والموظفين فى منتهى
والجو جميل فى الوقت الحالى الذوق والاحترام و اسعار جميله جدا وانصح بيه للعائلات

الريفيو عن فندق تيتانيك ريزورت اكوابارك الغردقه..
الفندق جميل و العمال و اللايف جاردز قمه في الادب و الذوق ..
تاريخ الزيارة من الجمعه 5/17 الى الاربعاء 5/22
في اول يوم و بعد ٣ ساعات من التسكين رحت أركب اللعبه الموجوده بجانب مكان وقوف الشاتل باص و هناك حصلت الكارثه ..
اللعبه عباره عن زحليقه طويله نزول ثم طلوع للاعلى بالاندفاع ثم رجوع للخلف..اللعبه دي ركبتها عشرات و عشرات المرات قبل كده اذكر منهم في فندق علاء الدين الغردقه و في مارسيليا علم الروم في مطروح و في اماكن تانيه مش فاكرها دلوقتي.
بعد الزحلقه نزولا ثم الارتفاع لفوق ثم العوده اصطدمت بعنف شديد بالحاجز اللي في المنتصف بين زحليقة النزول و زحليقة العوده ...
الصدمه عنيفه جدا و الالم رهيب لا اتمناه لأحد ابدا ابدا و كل ما اتذكر الصدمه اشعر بالدوخه ..
زوجتي نادت بسرعه على الناس اللي بيشتغلوا في الاكوا ..
تم نقلي على شياله لعيادة الفندق ثم الاسعاف و انا في حالة تألم شديد و زوجتي و أطفالي في حالة ذهول..
في المستشفى الخاص بعد الأشعات و الكشف المبدأي تبين عدم وجود كسور لكن تمزق كامل لأربطة الركبه و هاحتاج اعمل اشعات رنين مغناطيسي بعدما يخف التورم على ركبتي و ظهري و الكاحل عشان يتحدد اللي حصل بالظبط.
الصدمه الكبرى انه مفيش حد جه من الفندق يطمئن على الغلبان اللي اتدمر عندهم و لا سألوا بالتليفون و لا أقل واجب يدفعوا حساب المستشفى على المصيبه اللي اتسببوا فيها للنزيل اللي جاي في امان الله عندهم و لا حتى يردوا على محاولاتي انا و زوجتي للاتصال بيهم حتى يبعتوا عربيه تاخدني تاني للفندق..
المستشفى جابتلنا عربيه ترجعنا الفندق ..
كتر خير الاستقبال لقيناهم مجمعينلي الشوز بتاعي و اللايف جاكت بتاع الولاد في كيس ..
بعد ما رجعت للغرفه زوجتي نزلت تدور على اي حد تكلمه فدخلوها لاستاذ ابراهيم مدير الريسبشن ..
بصراحه راجل قمه في الذوق و الاحترام قالها احنا مالناش دعوه ان النزيل اتصاب او ماتصابش و مش مسؤوليتنا دي مسئوليته و دي حاجات بتحصل عادي و مالناش اي دعوه بتكاليف او اي حاجه و مفيش حاجه نعملهالكم و اللعبه هاتشتغل عادي ...
طلبت منه المدام انه ينقلنا من الغرفه اللي في الدور الثاني الى غرفه في الدور الأرضي حتى يسهل الأمر علينا و اتحرك على الكرسي المتحرك فتكرم و وافق..و بالنسبه للوجبه بتاعتي تكرم أيضا علينا و وافق ان حد من سرفيس المطعم يوصلها للغرفه..
كنت متخيل انه هايقولها اروح معاكي الغرفه اتطمن عليه و لا الهوا ...
طبعا اقامتي اتحولت لمأساه و ألم طول الوقت نايم في السرير بتألم و باخد كم كبير من المسكنات حقن و اقراص ..
تاني يوم قابلت مدير الفندق بناءا على طلبي برضه و سألته عن سياسة تعامل الفندق مع تعرض أي نزيل عندهم لحادث مروع زي ده في داخل منشآت الفندق فقالي طلبات حضرتك ايه فقولتله اعتقد المفروض انكم ماكنتوش تسيبوني للحظه واحده و تعتذرولي و تحققوا في الموضوع و تتحملوا على الاقل نفقات علاجي , و توقفوا اللعبه فورا عشان ماحدش يتأذى تاني لانه في خلل فيها مش بيخلي الشخص ينزلق في المسار الصحيح بعيدا عن الحاجز فقالي اكيد السبب مش اللعبه ممكن منك و للاسف ماعنديش صلاحيات بكل الكلام ده لكن هديه مني ليك وجبة سي فود !!!! او يوم التشيك أوت تمشي بالليل بدل الظهر ...
قولتله شكرررا جزيلا بارك الله فيك مش عاوز حاجه ...
بالتواصل مع الطبيب المختص و وصف الحاله قالي حاول ما تتحركش بدري من عندك خاصة ان طريق السفر في العوده طويل جدا حوالي ٨ ساعات .. زوجتي قالتلي ناخد اليوم الزياده عشان ترتاح و
عند العوده بدأت رحلة العلاج المؤلمه و التحرك على كرسي متحرك و مشايه ..
اشعات الرنين المغنطيسي على الركبه و الكاحل و الظهر عذااب للي بيدخل يعملها و هو متألم ..
الركبه قطع كامل للرباط الصليبي الامامي و الرباط الجانبي و شرخ في رأس عظمة الساق..
الكاحل كدمات و رضوض
الظهر ديسك خفيف في الفقرات القطنيه .
شرخ في ضلعين ال ٨ و ال٩..
هاحتاج عمليه بالمنظار في الركبه خلال الايام القادمه ستتكلف عشرات الآلاف ثم راحه في المنزل لشهر على الاقل مع استخدام العكاز او مشايه لعدم التحميل على الرجل لمدة شهر آخر زياده ..
مصدر رزقي من عيادتي و هي في الدور الثاني و لا يوجد اسانسير فسينقطع رزقي من العمل في عيادتي خلال كل هذه المده ...
ذهبت لقضاء أجازه لبعض المتعه و للراحه من هموم الحياة ..
رجعت بإصابات و آلام و الحاجه لعمل عملية جراحية لأول مرة في حياتي
و حسبي الله و نعم الوكيل.
تحديث بتاريخ ٦/٥ .. قمت بعمل عملية الرباط الصليبي و الجانبي .. الحمد لله.. امر بتجربه نفسيه سيئه جدا .. مش محتاج اوصف معاناة العمليات الجراحيه و بالذات اللي بتخليك ما تعرفش تتحرك بعدها .. الجلوس او الرقاد طوال اليوم على السرير بالإضافه الى انه ممل جدا فهو ايضا مؤلم بشده لعضلات اسفل الظهر و المقعده حرفيا مش بنام بالليل .. تقريبا باخد حقنه مسكنه كل ١٢ ساعه.. العوده للعمل مش هاتكون قبل شهر و نص و العكازات هاتفضل معايا شهرين على الاقل ..بدأت اليوم اول جلسات العلاج الطبيعي .. دعواتكم .. المصاريف مع توقف الدخل مش عاوز اقولكم طبعا .. خلوا بالكم من نفسكم جدا جدا ..
بالنسبه للمسار القانوني و جدواه من عدمه فهو محل اختلاف كبير و استفسرت من كذا حد لانه صعب اثبات الخطأ في الحالات اللي زي دي ... وش و وجع دماغ و انا مش ناقص .. ربنا ياخدلي حقي ان شاء الله


هل تمتلك أو تدير هذه المنشأة؟ اطلب إدراجك مجانًا للرد على التعليقات وتحديث ملفك التعريفي والمزيد.
اطلب إدراجك